Hadooh 2729.14 Sq. Km i thaw wa yaknieh ka jylla Meghalaya wa ka Assam: Kyrmen Shylla

Shillong: U Montri Rangbah ka jylla u Conrad K Sangma da ong u wa ka sorkar jylla yieñ bait ko katkam u pood u ang wa da pynbait nadooh u snem 1979-80.

U Montri Rangbah da ong u ya ini hawa jubab yeiwa kylli wa da wanrah da ka MLA ka East Shillong ka M. Ampareen Lyngdoh hapoh ka yung dorbar wa ynne ka sngi.

Heijooh i por, u Montri Rangbah da ong u wa ka Assam leh da pynyoo ko da ka yong ka hi ka Political Map wei toh na ini i daw wa da mih i yakajia knieh thaw hapyprdi kini ki ar tylli ki jylla.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Da pyntip u leh wa da em 12 tylli ki thaw wa joor bha i yaknieh wa ka jylla Assam wei neiliang ka sorkar jylla dang booddien ko ya ini wow poi cha ka pynbait noh ya u pood u ang.

Chwa ini, u montri ka tnat Revenue u Kyrmen Shylla da pyntip u wa i thaw wa yaknieh da heh ki hadooh kamwa 2729.14 Sq. Km ha waroh kawi ka jylla.