Jowai: Uwi u bru da chah ksoh u ha ki paidbah hadien wa chah pynbaad u wa slaitbor u ya kawi ka khynnah kawa dang 12 snem ha Mon District, Nagaland. Ki paidbah da looid ki ya ki sula u wei da pynkieñ ki da ka kot na rdang u kawa thoh “I am a rapist.”
Uni u bru wa tip pyrtuid kam u Rahul Sen (20 snem) da chah pynbaad u wa da slaitbor u ya kani ka khynnah hadooh le sien.
Kani ka khynnah da nood ko wow khana cha ka payu ko wei yah ko ya ka cha Hospital heiwa ki Doctor da pyntikna ki wa da chah slaitbor ko.
Nyngkong kani ka khynnah ym nood ko wow khana yi wa leh ya ini i kaam tangwa hadien won da khana ko.
Uni uwa chah pynbaad toh uwa kreh ha iwi i dukan dai waje wei ki paidbah da lai sai ki oo na Bazaar Line.
Uni u bru won da ong u wa ym em leh u ya ini i kaam wei da chah pynbaad bakla u.
Ya u Rahul da ekti ha ki pulit wei dang pynman ki ya ka takit hajrong ini.
Discussion about this post