Shillong: Ki pulit ka nongbah Shillong da kem noh ki ya san ngut ki bru ynne i janmiet, hajrong i suba wa thombor wei chah lute u Rishan Rapsang uwa man leh u payu yong u MLA ka Shillong West.
Ki pulit da kem ki ya kini ki san ngut wa suba wa emkti hei wow lute ya u Rishan dang ini wa dep wei uwi na ki toh u Vijay Sahani, uwa kreh ha ka Rapsang Group of Industry, uwa da suba joor wa emkti u hei wow thombor wei pynmynsoo ya u Rishan.
Katkam ka khubor wa da yoh, ya u Vijay da kem da ki bru paidbah neidaw wa chon khmat ki oo wei da ekti noh cha ki pulit wow takit ya oo, ha i takit ki pulit da lai kem ki sa soo ngut wow pynman chooh ya i takit.
Hawa yaklam wa u SP (City), u Steve Rynjah lyngba ka phone da pyntip u wa ynne i janmiet ki pulit ka Lumdiengjri Police Station da kem ki ya kattu katni ngut ki bru wa suba wa emkti ki wow pynmynsoo wei lute ya u Rishan wei i takit dang man i iwa lai bait.
Discussion about this post