Pyrchah ka EJNC yei thmu booh ya ka BSF Camp

Jowai : Ya kani ka BSF Camp kawa mut u booh ha ka chnong Moosniang da pynbait u pynman da ka Public Hearing ha ka 18 tarik uni u bnai yow snaiw yei sur ki paidbah wa kyrchaan næ pyrchah ya ka.

Tangwa da pyntip wa neilang u DC ka East Jaintia Hills wa da kyrriah tarik noh u ka wei da kynnoh ka EJNC wa ka tarik thymme ym pu em pyntip paidbah hadooh katni.

Kamtæ ka EJNC da dawa ko na u DC yow pynbna ki ha waroh ki khubor ya ka tarik thymme yow yoh laad ki paidbah waroh u ya em bynta yow lait u pynman dei rieh ya katai ka Public Hearing.

Ka EJNC da pynsniaw ko ya i pyrchah joor yei thmu u booh ya katai ka BSF Camp ka wa ym wanrah yei roi i paar hapoh ka chnong ka thaw.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Da ong leh waka sorkar toh u wanrah ko da ki skur hei thaw ka tai ka BSF Camp. Da ong leh wa sniawphylla wa ya ka Residential School wa mut u booh ha katai ka thaaiñ da kyrriah noh cha kiwi tawan ki thaw khlem da sniaw yei sur ki paidbah.

Da pynkut deiwa ong wa ka East Jaintia Hills emkaam ko yei roi i paar ymtoh ya ka BSF Camp.

Ini toh katkaam ka khubor wa da pyllait na u S. Lyngdoh General Secretary ka EJNC.