15 49.0138 8.38624 1 0 4000 1 https://wyrta.com 300 0

Kyntait ka chnong Lakadong ya kiwa yoh kurim wa ki bar jylla
Toh hi ma ai wa da tyngkheiñ ki ya ka aiñ ka JHADC

1 Comment
Advertisement ad1

Jowai : Hadien wa chah pyndoohbor ki Waheh Chnong neidaw ka mukotduma ha pyrdi kiwa chnong chnong Pamra Kmaichnong wa chah pyndooh yei hok ki neibhah wa yoh kurim ki wa ki bar jylla da chem wa hadooh katni dang em ki chnong wa dang leh hi yeini i kaam hapoh ri-loom Jaintia.

Ha ka chnong Lakadong nadooh u snem 2010 da rai ko kam ka Dorbar Chnong wa ym chah de u e ya ka Residential Certificate, Income Certificate wa kiwi kiwi kamjooh leh u beh chnong ya kiwon kiwon ki wa yoh kurim wa u næ ka bar jylla.

Advertisement ad1

Ini i leh ka chnong da mih pyrthai i hadien wa em u khynnah wa 17 snem li paan Residential Certificate u na ka dorbar chnong wei da chah kyntait u hadien wa chem ki wa u pa u toh u Nepali. Kamjooh ya ka bei u leh da pyndooh ki ya ka Residential Certificate ko. Kani ka manbei toh kawa da sah heitai i chnong nadooh u snem 2006.

Kani ka kong toh kawa em 5 ngut ki khon. Da ong ko wa nachwa biang hi i e ya ki Residential Certificate ya ka kamjooh ya ki khon ko tangwa ha uni u snem da rai won u Waheh Chnong wa u Secretary wym e Residential Certificate de ya ka wa ya ki khon ko. U khon kani ka kong dang mut u yaleh Scholarship yong klas X.

Katkaam i ong u Waheh Chnong u ma Shemphang Sayoo da pyntip wa ini i rai ka Dorbar Chnong toh nadooh u 2010 heipor wa dang man Waheh Chnong u ma Bisad Bhoi. U ma Sayoo da ong u wa deibor samen yong oo ym ye u pynkylla yeini wei haap bood u katkaam ka aiñ ka dorbar chnong. Kamjooh ong u wa da dep phah kot ki cha ka JHADC yow pynthymme noh ya ki wa kreh ka Dorbar Chnong wei ye u pynkylla ya kani ka aiñ ka chnong ha ka Dorbar wa thymme ka wow bood katkaam ka aiñ ka JHADC.

Ini i leh kani ka chnong da man ko pyrchah ya ka aiñ synchar chnong synchar elaka ka JHADC hiewa ha ka Section 32 da ong che ko wa ym ye u leh chilliang ya kiwa chnong chnong diewa pait yei man chynrang næ kynthai, ka niam, i thaw kha wa kiwi kiwi.

Advertisement ad1

1 Comment

  • February 16, 2016 at 4:25 pm
    Pynkhrawbor G Stenn

    I jingleh ka dorbar Chnong toh iwa chongnia u teh lakam yei chongkha khleh ki khon ka Chnong nga Sniaw o um toh iwa pher..

    Reply

Leave a Reply