Lait salit u Dolloi ka Elaka Maskut chirup ka kurim wa u khon na kti ki damok

Jowai: Ynnin i janmiet heipor kamwa 4 waje da em ki damok kamwa soo ngut ki wym tipmit kiwa da yangkhap ya u Dolloi ka Elaka Maskut, u Phrangki Rynjah heipor wa liwan u cha Jowai na chnong Maskut, WJH deiwa kah moo kah dieñ ya u sarok khyndaw wa em ha i thaw wa tip kam i Lum-pom-lum iwa du kamwa 30 metre na u sarokbah NH44 (hajan Wahmynsoo).

Hawa yaklam wa u Dolloi da ong u wa ini da jia i heipor wa mut u wow liwan Jowai chirup wa ka kurim u wa u khon yong oo uwa dang 3 snem i rta wei manda poi ha ini i thaw hadien wa yoo u yeini wa chah kah u sarok da lai u na rood wei heitæ i por da em wa pakhot moo cha ka kari u kawa em ya u No. ML 04 A 6711.

Uwi u moo da tympiah u ya ka yit dien (hadien handyman) ka kari wei da psiah u chapoh ka kari.

Hadien ini yah u Phrangki wut wut ya ka kari na ini i thaw wow lait na iwon iwon i jia wa sñiawsih wei kini ki damok leh da yut wot ki na ini i thaw.

Related posts

Yoh pynlait ya ka kynthai kawa na East Jaiñtia wa chah kset yabor ha Delhi

May 11, 2025

Yoh kem mooyong hadooh 6000 MT ha East Jaiñtia Hills

May 10, 2025

“Uni u moo da lait u na ka kurim wa u khon O wei ini man i dei bor u Blai donhi uwa da pynyait yeini,” da ong u Phrangki.

Neiliang u Phrangki da ong u wa da pyntip u yeini iwa jia ha ki pulit ka Ummulong Beat House heiwa da kyntu u ya ki wow leh yeiwa emkaam katkam ka aiñ.

Hawa kylli na u Phrangki yei daw wa em ki damok da leh ki kamni, neiliang yong oo da ong u wa yei daw ymtip u wei ye i u man neidaw wa choon ki bru oo wa man u kam u Dolloi ka elaka, namo boi em kiwi ki daw kiwa ymtip u.

Neiliang ki bor pulit da pyntip ki wa da em i kajia heiyatoh wa i chna dukan ha Wahmynsoo yeiwa dang pynman ki yei takit hajrong ini.