Shillong: I ieh syndet uwa yahkhmat ka Indian National Congress (INC) ha kani ka jylla na ka party da pynkhyrngiat ko ya kiwa boon ki seiñ saiñ pyrthai ha ka jylla wa ka ri hi waroh kawi.
Hawa yaklam hajrong ini i ieh u Dr. DD Lapang na ka Congress, uwa yahkhmat ka BJP wa pait ya ka Meghalaya, u Nalin Kohli ha kani ka 15 tarik da ong u, “U Dr. Lapang toh wa da burom da waroh kam u pa ha ka kaam saiñ pyrthai ha kani ka jylla uwa man leh uwa yahkhmat ka Congress uwa snar bha uwa da pynpoi ya kani ka party chei jop ha Meghalaya wei kattu da man noh ko i kaam ka Congress wow pynche yeini.”
Da ong u leh wa ini i mih u Lapang daw man ko ka dooh nong wa khroo ya ka Congress hapoh ka jylla.
“Nga ympu em jooh ya tyngkhooh kaam O wa u Lapang, nga em O i sñiaw wa ini i rai yong oo toh neibynta wow pteiñ yei chakri neibynta ki paidbah. U waheh kam u Lapang, i burom i ya oo hanlada ym jooh em yatoh i wa oo wei i kwah i wow em u em ha i chait i khia,” da ong u Kohli.
Heijooh i por da ong u waka ka BJP smat ko wow pdiang ya u Lapang neibhah ka BJP em ko ka krehkaam neibynta waroh lang kawa ong ‘sabka saath sabka vikaas,’ namo chirup wow e i chakri wei da ong u leh wa smat ki u pdiang leh ya kiwon kiwon kiwa kwah wow emlang waka Party neibynta ka ri.
Discussion about this post