Chah slaitbor ka khynnah wa 15 snem ha u Coach yong ka Govt. Girls HSS, Jowai

Jowai: Katkam ka yutip wa da yoh na ki pulit da ong wa ha kani ka 29 tarik u Naikhynde uwi u bru wa tip kam u Ebormi Sutnga, na Khimmusniang, Jowai da slaitbor u ya kawi ka khynnah wa dang 15 snem i rta kawa lai skur ha Jowai pyn ha i yung sah u heiwa da kset u ka heitæ kamwa chi sngi tam.

Hawa yaklam wa u Addl. SP ka WJH u P. Syiem da ong u wa da pyntikna ka thaw sumaar wa kani ka khynnah da chah slaitbor ko ha u Ebormi wei katni neiliang yong ki dang thooh ki ya oo neibhah wa da yut u na kti ki pulit wei kyrmen wa daw yoh kem smat noh ya oo.

Ka yutip wa tikna da ong wa u Ebor toh uwa kreh ha ka tnat PHE hapoh East Jaiñtia Hills.

Chooh chooh ka message wa poor lyngba ka Whatsapp heiyatoh wa ini i kaam da ong wa u Ebor kreh u leh kam u Coach wa chipor yong ka Govt. Girls Higher Secondary School, Jowai.

Related posts

10 snem phah kset ka yung bichaar ya u Brightstarmi uwa slaitbor ya ka khynnah wa dang 14 snem

October 13, 2025

Neiwa muaid heipor yah thuk-thuk yoh kem ki pulit ya ki ar ngut | Chem ar tylli ki suloi wa chna hi

October 12, 2025

Heiyatoh wa ka ujor ha ki pulit da ong leh wa u Ebormi kreh u kam u Coach yong kani ka skur.

Ya u Ebormi da pynngat hapoh ka aiñ POCSO wei neiliang yong u Wyrta daw pyntip chooh chooh i cha phi hajrong ini.