Chah rahbor ar ngut ki kynthai wa 13 snem, wa kiwi ki khubor pyrchah aiñ hapoh ka jylla

Jowai: Ka yutip wa yoh na ki pulit da ong wa ha ka 13 tarik uni u bnai da yoh ujor ki na ka Sunitha M Sangma wa heipor 6:30 i janmiet wa u Renier A Sangma da rahbor u ya ka khon ko kawa 13 snem i rta na i yung sah ko ha Matchakolgre (WGH).

Ha ka 6 tarik u Hamizuddin Hoque da ujor pyrchah ya ka Sonali Bibi waka Mokida Khatun wa da rahbor ki ya ka khon u Hoque kawa 13 snem na yung u na Puskarnipara (WGH) wei da e ya ka cha u Hafizur Rahman na Tanergaon, South Salmara, Assam lyngba ki ar ngut ki bru, u Sahajahan wa Aja Hossain.

Da yoh ujor leh na u Dipon Nath ha ka 16 tarik heipor 8 waje i miet, ki damok wym tipmit da rahbor ki ya u Kripesh Nath wa khut leh kam u Kukan Nath na Lad-Rymbai Dongwah (EJH), hapoh ka kari u kawa em No. ML-05-9948. Wei ha ka 17 tarik i step, ki pulit da chem ki ya kani ka kari na u sarok Lad-Rymbai wa Rymbai (EJH) wei dang pynman ki pulit ya i takit.

Related posts

Na krem mooyong wa em ha Rymbai chem yei metyap uwa wiar deilang ka kari | Chah kem le ngut

July 3, 2026

Yoh kem drugs ki pulit wa chongdor Rs. 10.8 klur

June 26, 2026

Ha ka 16 tarik ka Yarilana Suchen na Lumjingsuk, Madanrting, Shillong da ujor ko wa ka khon ko da mih ko na yung wow lai cha yung ki lok ko tangwa ym em de poi yung ko, wei ka mobile phone ko leh da man ko kawa da tynyap (switched-off).