Shillong: U Chief Executive Member (CEM) ka Khasi Hills Autonomous District Council (KHADC) uwa man u MDC na Nongkrem, u Hispreaching Son Shylla da ong u wa man u uwa smat wow yakhun biang ya ka election hanlada toh neibynta ka election MP ka wow wan.
Kam wow pynkynmoo heini ha ka 22 tarik uni u bnai u Shylla da pynbna paidbah u lyngba ki laad pathai khubor wow chongngiah noh u na ki kaam saiñ hima sima hadien wa kut ka samoi kam u MDC, tangwa ynne ka sngi da ong won u wa lada ki paidbah dang kwah ya u wow kreh u, daw pdiang u wot lada kam u MP leh.
“Lada ki paidbah kwah ki wow yakhun O ya ka election neibynta wow pyndep ya ki kaam kiwa da sdang, ymye O wow kyntait, lada yoo ki wa heitu leh emkaam ya nga, ym yohsa wow mih biang O lada yoobiang ki ya nga wow wow lai cha ka Lok Sabha,” da ong u Shylla.
U Shylla dang ha kini ki sngi wa dadep ong wa hadien wa da ye u wow wanrah ya ki soo tylli ki aiñ kam ki Bill (chwa wow man aiñ ki) wa kongsan tam yong ka jaitbru ha KHADC daw chong ngiah noh u.
“I kwah yong nga man i wa chisien wa da pyndep ya kini ki 4 tylli ki Bill, daw chongngiah noh na ka saiñ pyrthei, tangwa lada ki paidbah wan pynsñiaw ki wa dang emkaam ki nga wow pyndep yei kaamram, ymye O wow kyntait,” da ong u.
Discussion about this post