15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Ymye u rai samen yei tyrwa man ksiang u Thangkiew hapyrdi ka sorkar wa HNLC: Conrad Sangma

0 Comments

Shillong: U montri rangbah ka jylla, u Conrad K Sangma ynne da ong u wa neidaw wa ka sorkar jylla kwah ko wow wanrah yei chongsuk, da thooh ko ki laad ki luti wow yasuk wa ki dkhot ki seiñ kieñ suloi kiwa da wan pyndem.

Hawa kylli wa lada uwa yahkhmat ki seiñ kieñ suloi wa emkti ha ki kaam pyrchah aiñ uwa da chongngiah (retire) hadien wa wan pyndem u, neiliang u Conrad da ong u wow pyntikna wa emkaam i chongsuk wa slem hapoh ka jylla, wei daw yaklam ya ki laad ki luti wei emkaam wa ka sorkar u pyntikna ko wa kiwa wan pyndem ym wan ki deiwa booh da ki kyndon yong ki.

Ha kani ka tayaw wa dadep u General Secretary ka Hynniewtrep National Liberation Council (HNLC), u Cheristerfield Thangkhiew da wan pyndem u neibhah wa kut ka kaam yong oo wei da toh i por chongngaih u.

U Conrad da ong u wa i thmu hi ka sorkar wow wanrah ya ka suk ka saiñ wei yeini emkaam wow leh da iwa leh dei miat næ. Da kdaw u leh wa i wan pyndem kam ini hapoh ka jylla ymtoh iwa thymme wei da jooh jia i leh nachwa.

“Wow sñiawthooh bniah yeini emkaam wow chong O wow yaklam wa u DGP wa kiwi kiwi ki sahep wow yaklam yeini,” da ong u Conrad neidaw wa ha kini ki bnai ym em u hapoh ka jylla wei daw yaklam u wa ki montri yong oo kamjooh wa u DGP yow sniawthooh bha.

Hajrong won i tyrwa u Thangkhiew wow man kam u ksiang hapyrdi ka sorkar wa ka HNLC, u Conrad da ong u wa i chongsuk toh iwa khroo wei iwa emkaam tam, wei daw yaklam hajrong ini wa ki montri wa kiwi ki lok hapoh ka sorkar MDA wei ymye wow e yei rai samen yong oo (Conrad).

Previous
Next

0 Comments

Leave a Reply