Jowai: Katkam ka khubor wa da phah na u Secretary yong ka UDP 14-Mowkaiaw MDC Constituency u Deovolente Tang da pyntip u wa neiliang u kamjooh neiliang ka 14-Mowkaiaw Constituency da dep pynman ki ya ka yalang ha Mayalang Club Mukhap wow chim ya ka rai ya u kyrtong neibynta ka Election MDC 2019.
Ha kani ka yalang da wan kiwa kitkaam yong ka Party UDP 14-Mowkaiaw Constituency nadooh ki chnong Mowkaiaw, Mukhap,Mowtyrshiah, Madanrwan,Kyrwen, Nangrakoh, Khonshnong, Lakadong, Pohkseh wa kiwi kiwi.
Ha kani ka sngi kiwa kitkaam yong ka Party da rai ki da ka jooh ka sur wow kyrchaan ya u Eleazer Christopher Dkhar kam u kyrtong yong ka Party.
U Tang da ong u wa kam kiwa kitkaam ka Party da ap ki yei sur yong ki paidbah ha waroh ki chnong kiwa da noh cha u Dkhar wow yoh yaka Ticket yong ka Party UDP.
Discussion about this post