Kynmoo warom ka NSS-KNGC ya ka sngikha u Vallabhai Patel

Jowai: Ka NSS Unit yong ka Kiang Nangbah Government College da lehwarom ko ya ka sngikha u Vallabhai Patel ha ka 31 Naichiphaw.

Kani ka lehwarom da sdang da i yakob phet wa tip kam ka Run for Unity nadooh na Mission Hospital lyngba ka Salaroh Polytechnic hadooh wa poi biang ha College heiwa da chimbynta da ki phaw ngut ki dkhot ka NSS.

Ha ka jooh ka sngi da em leh ka program wow klam chaphang ki kaam wa da leh u Vallabhai Patel heipor wa man u kam u montri ka sorkar India. Da klam heiwa kammon u Vallabhai Patel da leh u yow pyntylli ya ka ri India heipor wa em katu tylli ki jylla kiwa kwah u khlaad na ka ri India.

Ha kani ka program da yaroh ya u Vallabhai Patel wa ye u wow wanrah yei yatylli ha ka ri waroh kaw wei wow kymmo yanom ya u Vallabhai Patel ka sorkar da pynbna ko ya ka 31 Naichiphaw kam ka Ekta Rashtriya Diwas.