15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Da wai ya ka yung krehkaam u Waheh Chong ka Rymbai, EJH

0 Comments
Advertisement ad1

Jowai: Dei thmu wow wanrah yei krehkaam wa ryntih wei wow pynjan ya ki bor chnong wa kiwa chong chnong, ka Dorbar Chnong Rymbai ynnin ka sngi da wai paidbah ko ya ka yung krehkaam wa pura yong u Waheh Chnong kawa da chna hei lut kamwa T. 20 Lak lyngba ka scheme Special Assistant Grant (SAG) yong ka sorkar pyrdi neibynta u snem 2015-16.

Ya kani ka yung da wan wai da ka Violet Lyngdoh kawa man ka MDC ka thaaiñ hei emlanh u CEM ka JHADC u Madonbai Rymbai, u Phasmoon Dkhar EM, u JR. Pyrtuh kiwa kitkaam chnong wa ki paidbah ka chnong wei ya ka yalang da pynlai da u Waheh Chnong u Justice Lyngdoh.

U Secretary Chnong u Blaused Rymbai hawa klam hajrong i lai luti ka chnong Rymbai da ong u, ha ki chnong kiwa ym duna ya ka 150 ki manyung kiwa pynlai chnong hawa em kawon kawon ka yalang jooh kit ki ya ki kot ki sla cha yung u Waheh Chnong, u Secretary næ kat chawa sñiawbiang wow pynman yalang tangwa lyngba i em kani ka yung daw pynsuk ko ya kiwa pynlai chnong khamtam hawa kiwa chong chnong wan emkaam ki ya ki kot ki sla.

Da e khublei u ya ka Violet Lyngdoh kawa yarap pynyoh ya kani ka yung krehkaam, deiwa ong mar jop emburom ko ha ka Election MDC-2014 da yarap pynyoh nyngkong dooh da ka paikhana paidbah (Sanitary Complex) kawa em hajan ka yung krehkaam u Waheh Chnong kawa kynjoh T. 3 Lak tam wei du hadien kattu katni snem, da pynyoh won ko sa ya kani ka yung, da yarap ko leh yeiwa emkaam ki 7 tylli ki kyntoit dong yong ka chnong Rymbai.

Ha katai ka sngi da yoh yei klam na u CEM wa ki arngut ki MDC ka JHADC.

U CEM hei klam da kular u wow pynheh (Extension) chooh chooh ya kani ka yung krehkaan chnong wei ki arngut ki MDC da yaroh ki ya ka Kong Violet kawa da pyrkhat wow pynyoh da ka yung krehkaam neibynta ka chnong Rymbai.

Ka Violet hei klam da ong ko wa ymye ko wow mylliñ yei lehbha ka chnong Rymbai, wei mar jop ko da yasyllok ko wa kiwa kitkaam chnong wow pynyoh ya ki da ka yung krehkaam ka chnong, knang wow suk ki ha waroh ki liang katkam wa emkaam ki.

Kam kawa mihkhmat hei bor wa khian da pyrchang ko wow e chakri deiwa janai tam kamwa ki paidbah da pynkup ki ha ka wow pyndep wei ym kwah ko wow pynjoor du i ktien tangwa ki kaam wa rap thai bar yei ktien.

Advertisement ad1

0 Comments

Leave a Reply