Phah ka PAC ya ka chnat Transport wow booddien ya ka dan na ka Weighbridge ha Ynñiawmer wa Umling

Shillong: Ka Public Accounts Committee (PAC) ka sorkar jylla ynne ka sngi da phah ko ya ka chnat Transport wow jubab ko ya iwa da leh ko yow pynmih ya ka poisa wa da dooh nong ka sorkar T. 152.56 klur hapoh le bnai.

Hawa yaklam wa kiwa pathai khubor ynne ka sngi, u PAC Chairman u Charles Pyngrope da ong u wa ka Committee hei yaklam yong ka da chimkhia ko ya bui ka CAG hadooh ka 31-03-2017 kawa da klam che yei duna i rukom krehkaam kani ka chnat hadooh wa da dooh nong T. 152.56 klur.

Da ong iwi na ki daw da dooh nong hadooh katni toh neidaw wym biang i rukom kreh ki sahep kani ka chnat wow pyndaiñ kuna wei wow chim ya ki dan kiwa ye u pynku yei yoh i kot ka jylla.

Neiliang u MLA ka Congress u Zenith Sangma da pyntip u wa da em 52 sien kiwa da jia wa da chem wa da dooh nong ka sorkar wa kynthup ya 22 sien wa ym em yoh lut ya ka poisa wa toh u su kawa da poi T. 49 klur wa 23 sien won yoh kiwa ym em biang i rukomkheiñ poisa kawa da poi T. 101.80 klur.

Related posts

Mih uwa yasaaid aiñ kam u kyrtong samen na 9-Mynso Nongjngi Constituency

January 12, 2025

Ka 6th Schedule hi wa lah ya ka Article 371, ong u Vincent Pala

January 11, 2025

Da pyntip u leh wa da phah ya ki sahep wa heh kyrdan kani ka chnat wow wan ki ha khmat ka PAC wei da kular ki wow pyntikna wa kiwa ym em su ya ka kuna wa ki dan wow su noh ki wei da e por ya ki le bnai wow leh ya ini wei wow pyntip biang cha ka sorkar.

Ka PAC da phah ko leh ya kani ka chnat wow pyntikna ki wa ki ar tylli ki Weighbridge kiwa em ha Umling, Ri Bhoi District kawa em ha Ynñiawmer, West Jaiñtia Hills District wow su ya ka dan yong ki kawa poi T. 7 klur kawi kawa ym pu em su ki hadooh katni.

U Zenith da pyntip u leh wa ka Committee da pachat ko cha chnat Transport wow booh ya ki soskular namo ka Agreement heipor wa lilam ya ki Weighbridge heitæ i rukom wa kiwa yoh ya ka Weighbridge haap wow su ki 50% ha ka First Installment.

Ha iwi tawon i liang u Himalaya Shangpliang da ong u wa da phah ya kani ka chnat wow chem ya kiwon ki bru wa chah ya ki truck kit moochuni wow kit palatpood hadooh wa da dooh nong T. 10.51 klur.

Da ong u wa hadooh 66,000 metric tones u moochuni da kit khlem em yukheiñ nadooh u Naitung (April) 2015 hadooh u Wisu (March) 2016 heiwa 19,000 tylli ki truck da chah wow lai lyngba ki Check Gate khlem biang ki kot ki sla wa kynthup ya ki Weighment Slip.