Shillong: Ka East Khasi Hills District Traffic Branch daw pynman ko ya ka Traffic Week Awareness Programme nadooh ka 19 – 23 tarik uni u bnai heiwa daw em ka yakob chondur (Photography Competition) hajrong ka phang; “WHY JAM IN SHILLONG?”
Kani ka yakob toh neibynta waroh khynnah wa waheh kiwa da palat 15 snem ye ki wow e ya ki dur wa sakhiat (Original Photographs) wa chon hapoh East Khasi Hill District da ka JPEG (.jpg) file lyngba u Pen Drive, DVD/CD ha yung krehkaam u SDPO, Pynursla, Camp-Police Reserve Shillong hachwa ka 18 tarik uni u bnai.
Chooh chooh ka Traffic Branch daw pynman ko ya ka yakob thoh Essay ha Vivekananda Ramakrishna Mission ha ka 19 tarik uni u bnai heipor 11:00 waje i step hajrong ka phang “Good Traffic Etiquette: A solution for reducing traffic congestion in Shillong”. Waroh ki Higher Sec. School, College wa kiwi ki seiñ ye ki wow chimbynta ha kani ka yakob deiwa phah ya ki pyrtuid cha ka yung krehkaam u SDPO, Pynursla namo lyngba ki Incharge yong kiwon kiwon ki Traffic Branch ha Shillong chwa ka 16 tarik uni u bnai.
Ya ka yutip wa bniah ye u yoh na u SDPO, Pynursla deiwa phone ha u No. 8794730299 hapyrdi 10:00 waje i step hadooh 5:00 waje i janmiet deiwa bood leh ya ki kyndon yong ka Essay Competition katkam wa da booh ha ka East Khasi Hills Police website (NEWS/LATEST UPDATE): http://shillongpolice.gov.in/press_releases/2018/press_releases_2018.html# namo na kiwon kiwon ki chnat ka Traffic Branch ha Shillong.
Discussion about this post