Rai ka KHADC wow dawa ya ka Block I wa Block II watoh u psiah noh ki cha Meghalaya

Shillong: Ha kani ka dorbar ka Executive Committee ha KHADC da wanrah ko ya ka rai heiyatoh wa i khajia pood hapyrdi ka jylla Meghalaya wa ka Assam, khamtam ya ki thaw wa haap hapoh yong ka KHADC, kam ka Block I, Block II wa kiwi kiwi ki thaw wei lyngba kani ka rai u kyntu ya ka sorkar pyrdi, ka sorkar Meghalaya wa ka sorkar Assam wow pynuiñ noh ya ka Block I wa Block II cha Meghalaya.

Ya kani ka yatai da chimbynta wa awjan waroh ki MDC kiwa da e leh ya i kyrchaan ya kani ka rai.

Hawa klam ha ka dorbar, u Shylla da ong u wa ha kitu ki por wa da e bor da ka aiñ ya u Lat wow pam noh ya ka Block I wa Block II kawa dang haap hapoh ka Khasi-Jaiñtia State wa kynthup noh cha ka Mikir Hills District.

Da ong u wa ya kini ki ar tylli ki Block wa da chah mait noh daw yaklam wa ka sorkar jylla wow paan noh na ka sorkar Assam wa ka sorkar pyrdi ryngkat wa ki toh u tuklar lang ki hajrong kani ka bynta.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025