Shillong: U symbood montri rangbah ka jylla uwa man leh uwa yahkhmat ka National Peoples’ Party (NPP), u Prestone Tynsong da ong u wa lada u Dr. D.D. Lapang psiah u cha ka National People’s Party (NPP) daw wanrah myntoi ko ya ka Party khamtam ha ki Election wa daw pynman ha u snem wow wan.
Ynne ka sngi u Lapang uwa yahkhmat warim ka Congress da pynbna wa daw psiah u cha ka NPP katkam wa kwah kiwa kyrchaan yong oo.
U Prestone da ong u wa lada u Lapang rai u wow psiah cha ka NPP, tangwa hadooh kattæ ka Party ym pu em yoh ko iyi iyi leh i thoh na oo wei ya ka rai u Lapang da sñiaw du na ki laad pathai khubor.
Chooh chooh da ong u wa u Lapang kam uwa yahkhmat wa da stat da sian ha ka jylla wa uwa dang pteiñ hi wow chakri ha ka kaam saiñ pyrthai wei daw yarap ko ya ka NPP wei u burom ko ya u Lapang deiwa e kyrdan wa heh hapoh ka NPP wei u man u leh kam uwa e buit ya ka Party.
Discussion about this post