Ki kaam chah thok chah tooh na kylleiñ ki jylla

Jowai: Katkam wa pyntip ki pulit wa ha ka 20 tarik uni u bnai u Amit Nath da ujor u wa da chah thok u T. 1,61,000 ha ki ar ngut ki bru wa yachem u Online kiwa da phah thap poisa oo ha ka Bank Account ka Reena Biswas ha SBI Bararat Branch, Kolkata (WB).

Ha ka 19 tarik won da em ki damok wa tympiah ya ka ATM Kiosk ka Bank of India wa em ha Lumpariat, Jowai.

Ha ka 16 tarik won da em wa tooh ya ka thuk thuk wa em ya u number ML-05M-3177 ka yong u Ashok Kumar Tiwari na Pynthorbah, Shillong.

Ha ka 15 tarik won da em wa tooh ya ki 19 tylli ki ATC Mobile Battery wa chongdor T. 80,000 na ka chnong Sait-U-Kroh, Jatap (EKH).

Related posts

Yoh pynlait ya ka kynthai kawa na East Jaiñtia wa chah kset yabor ha Delhi

May 11, 2025

Yoh kem mooyong hadooh 6000 MT ha East Jaiñtia Hills

May 10, 2025

Ha ka 21 tarik u Muanthang Valte da ujor u wa da yaleh kreh u lyngba ka Naukri.com lyngba ka OLX Website wei da em leh ki ar ngut ki bru wa phone oo kiwa tip kam u Akash Verma wa u Vivek Kumar, kiwa da phah ya oo wow thap poisa chwa u T. 25,499 ha ka wi ka Bank Account ka HDFC Bank. Hadien wa ym em yoh u yei kreh da sñiawthooh u wa da chah thok u.

Ha ka 7 tarik won u M. Ngaihte, Chief Manager, SBI, Jowai Branch da ujor u wa nadooh ka 07-11-16 hadooh ka 09-05-17 uwi u wa kreh wa tip kam u Uttam Kumar (Trainee Officer) da tooh u ya ka sut ki Fixed Deposit kawa da kynjoh T. 6,55,000.

Ha ka 9 tarik u Dr. Luminous G Momin da ujor u wa heipor 2:15 i sngi uwi u bru wa kreh mylla wa tip kam u Raju da tooh u ya ka Mobile Phone wa ya ka muna ka diah u kawa em ar tylli ki ATM ha yung wa sah ki ha Hatath Colony, Laban, Shillong.