Jowai: Ka UDP Mowkaiaw Circle sñiawkhia ko lada man sakhiat i klam u CEM JHADC u MB Rymbai wow pynyinsur yei por wow pynman ya ka Election MDC da 6 bnai.
Da ong ko wa kam kiwa kitkaam ka party ymye ki wow pdiang yeini neibhah wym man i iwa chongnia heiwa i por kamwa da toh i por wa dang du 2 bnai katkam wa man katni.
“Ya i dawa wow pynkylla namo i Amendment ya ka Six Schedule man i iwa emkaam khamtam wow khang yei yut seiñ ki MDC tangwa ka Election toh u man ko katkam wa da booh hi,” da ong ka sein.
Chooh chooh da ong ko wa ym em wa ye wow pynsangeh ya ka Election wei i pynku seat toh u man i neibynta u snem 2024 neibhah khamtam wa ka party (UDP) da pynbna ko ya ki kyrtong yong ka.
Heijooh i por da kyntu joor ko ya ka UDP Seiñbei wow khut da ka Emergency Meeting wow yaklam hajrong kani ka kaam.
Discussion about this post