Pyrchah ka sorkar jylla yei thmu e yarap ka sorkar Punjab T. 60 Lak du na ki khubor hamsaya

Shillong: U symbood montri rangbah ka jylla, u Prestone Tynsong da pynsniaw u yei pyrchah yei thmu ka sorkar Punjab wow e yarap hadooh T. 60 Lak deiwa pynbaad ki wa chah tympra ka Gurudwara, ka skur wa kiwa chah pynmynsoo ki jaitbru Harijan ha ka yakhih wa jia ha u Naiynru (June) uni u snem.

Hawa yaklam wa kiwa pathai khubor, u Prestone da ong u wa ha kitu ki por wa em ka yakhih ka sorkar da pait bha ko man hajrong i jia, wei i pynbaad wa em wa chah pynmynsoo wei tympiah tympra ka yung mane wa ka skur da ktah bha i yei sñiaw ka sorkar jylla.

“Neiwon ka sorkar Punjab yoh ko ya kani ka yutip, wei kammon ye u Montri Rangbah ka Punjab u pynbna e yarap hi-eh ya ki du ha ki khubor hamsaya?” Da kylli u Prestone.

Da pynrap u deiwa ong “Lada ka sorkar Punjab ong ko toh i e sñiawbha donhi, ye wow pdiang. Tangwa deiwa pynbaad won kamni ym man i iwa yahaap, ka Punjab ymye ko wow tuklar ya ka Meghalaya kamwa i leh ym ye i wow tuklar ya ka.”

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Heijooh i por da ong u wa ini i leh yong u Montri Rangbah ka Punjab man i i wym sñiawsuk lakam wa ka riti synchaar ka ri krehkaam ko du ya ki, wei lada em iwon iwon wa artatien toh u paan pynche chwa ko naka sorkar Meghalaya wei emkaam wow pynsakhiat ko yeini iwa jia waroh.

Ha iwi i liang u Prestone da ong u wa ka sorkar jylla daw phah ko ya ka chnat pulit wow takit wow chemdien ya ki bru wa pynpoor ya kam kini ki khubor hamsaya.

(Feature Image-File Photo)

Also Read: Ka Shillong man chngaaiñ ko ya ki Sikh: Majinder Singh Sirsa