Shillong: U General Secretary ka Delhi Sikh Gurdwara Management Committee (DSGMC) uwa man leh u MLA na Delhi, u Manjinder Singh Sirsa da ong wa ki Sikh sñiaw chngaaiñ hi ki ha ka nongbah Shillong. U Sirsa da ong u wa ini i wan yong oo cha Shillong ynne ks sngi toh yow chem yei sakhait i man ka chnong ka thaw hadien wa boon ki khubor hamsaya wa da mih ha ki Social Media hadooh wa da em leh ki laad pathai khubor ka ri (National Media) da ong ki wa da em i thombor ya ki Sikh kiwa chong wa sah ha Shillong.
Hawa klam u ynne ka sngi hadien wa wan thooh bniah u yei man ha nongbah, neiliang u Sirsa da kyntu u ya ki paidbah ha waroh kawi ka ri wym toh u ngait ya ki khubor hamsaya neibhah kamwa man hi kattæ ki Sikh man chngaaiñ ki ha nongbah Shillong.
U Sirsa da ong u wa kwah u wow phah ya ka khubor cha waroh ki Sikh kiwa em ha ka ri India wa ymtoh u khuslai ki yeiwa jia ha Shillong wa ymtoh u ngait ki leh ya ki khubor hamsaya lyngba ki Social Media neibhah ka Shillong man ko kawa chngaaiñ ya ki Sikh.
Ynne ka sngi da lai u leh cha Themmator wei da yachem u leh wa u Montri Rangbah ka jylla u Conrad Sangma uwa da kular wow chna da ka Joint Committee hapyrdi waroh kiwa chah ktah yow wanrah ya ka suk ka saiñ.
Discussion about this post