Hiar u MLA ka Rajabala cha i thaw wa em ka krem mooyong wa chah kset ki 13 ngut

Jowai: U MLA ka Congress na Rajabala Constituency, u Dr. Azad Zaman ynne ka sngi da lai hiar u cha Ksan, East Jaiñtia Hills hei thaw wa chah kset ki 13 ngut hapoh i krem mooyong nadooh ka 13 tarik uni u bnai.

Ha ini i lai booddien u Azad da yachem u leh ya u DC ka District, u FM Dopth, u SP ka District u S. Nongtnger, u Asst. Commandant ka NDRF u SK Singh, u Disaster Incharge (Water Resource) u R. Tongper, wa kiwi kiwi.

Hawa yaklam wa kiwa pathai khubor u Azad da pyntip u wa na kini ki 13 ngut boon toh kiwa na Constituency u wei em leh kiwa dang em yatoh wa oo.

Da ekti u leh ya ka dorkhat ha u DC ka District wei da pyntip u leh wa da thoh u leh cha ka Human Rights Commission, wei mynstep daw yachem u leh ya u montri rangbah ka jylla, u Conrad Sangma hajrong ini i kaam wei da dawa u leh wow e yarap cha kiwa hayung kini ki 13 ngut.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Da ong u leh wa lada em iwon iwon i emkaam heiyatoh wa i pynlait ya kini kiwa em hapoh ka krem oo smat u wow yarap.

Ha kani ka sngi da chong yalang u leh wa ki heh ka District wow tip yei man i long i kreh wow pynlait ya kini ki bru. Da yaklam u leh wa kiwa hayung yong kini kiwa em hapoh ka krem.