Mih ka Teilinia wym sñiaw tikna de u jop na ka HSPDP

Shillong: Ka Hills State People’s Democratic Party (HSPDP) da pyntip ko wa ka MDC ka Party na Mylliem Constituency, ka Teilinia Thangkhiew da pynsñiaw ko wa chem chitom ko wow yakhun ha ka Election MDC wow wan na ka Party HSPDP, wei katni i thmu yong ka toh wow yakhun noh na kiwi ki Party.

Hawa jubab yei wiar ka Teilinia ha i pynkut yei lehkmen dap 50 snem ka Party kawa pynman ha kani ka 15 tarik, neiliang u President ka HSPDP, u KP Pangniang da ong u wa ka Party ym sñiaw phylla ko ya ini i wiar kani ka MDC neibhah da pyntip ko lyngba ka phone wa ym neh de ko waka Party wei chem chitom ko wow jop na kani ka Party.

Da ong u leh wa ympu em phah ko dei thoh wa da mih ko na ka Party wei dang man hi ko ka dkhot ka Central Executive Committee (CEC) ka HSPDP.

Heijooh i por da ong u wa ka Party ym thut ko neini wa mih ko.