December 16, 2018

Ye u man wa da chong ngiah chipor u Ardent na ki kaam saiñ hima

Advertisement ad1

Shillong: Uwa yahkhmat ka HSPDP uwa man leh u President warim ka Party, u Ardent M Basaiawmoit da wiar u naka lehkmen dap 50 snem ka HSPDP, wei neiliang u President ka HSPDP u KP Pangniang da pyntip u wa ka Party da phah ko yei khut sniawbha ya u Ardent, tangwa ym em poi u ha ka yalang.

Da ong u wa ye u man wa kwah chwa u dam u embynta waka Party kamwa da dep klam u nadooh wa ieh u kam uwa yahkhmat.

Advertisement ad1

“Nadooh wa u Ardent da resign u, da klam che u wa katni kwah u chong ngiah chwa na ki kaam ka seiñ wa kiwon kiwon ki kaam wa yatoh wa ki kaam saiñ pyrthai iwa ye u man i daw wa wiar u,” da ong u Pangiang.

Ha iwi tawon i liang u General Secretary ka HSPDP, u Renikton Lyngdoh Tongkhar da ong u, “I dang kynmoo i ya oo hadooh katni kam uwi na ki President wa uwa mihkhmat (MLA) warim ka Party cha ka yung dorbar chna aiñ ka jylla. I da pynkhreh i ya ka thaw chong wa ha khmat dooh ya oo, tangwa sñiawsih wa ym em poi u.”