Jowai: Katkam wa pyntip ki pulit, ha ka 27 tarik uni u bnai heipor 2 waje i sngi ki 4 ngut kiwa yahkhmat ka FKJGP East Garo Hills da dat ki ya uwi u bru hadooh wa khlaad u.
Ki pulit da pyntip ki wa kini ki soo ngut da tip kam u Wonder M Sangma (27 snem) President, u Tamseng Marak (26 snem) Addl. Secretary, u Rikrak N Sangma, Chief Organizing Secretary wa u Taichan M Sangma (24 snem) Executive Member.
Kini ki dkhot ka FKJGP da pynman ki yei sylli ya ki Trading License ha Rongsak Market, EGH wei da ksoh ki ya u Johirul Islam (45 snem) uwa na Thepkai, Goalpara, Assam uwa da wan lang u wa u kong u wow lai li booh baam chet tyndur cha kani ka yaw tangwa da chah dat noh u ha kini ki dkhot ka FKJGP wei da sakhi leh ki paidbah kiwa da pyntip cha ki pulit.
Ya uwa chah dat da kit ya oo cha Bansamgre PHC yow yoh sumaar u tangwa neidaw wa joor mynsoo u da khlaad noh u pyn ha kani ka thaw sumaar.
Ki pulit da kem ya waroh soo ngut kiwa emkti wei dang pynman ki ya ka takit.
Discussion about this post