Jowai: U Bisonroy Iano wa man kam u MDC na ka 15-Raliang Constituency uwa man leh u kyrtong ka UDP ha kani ka Election da pynsñiaw u yei mynsien wa skem wow jop biang ha kani ka kynti neibhah yoo u yei maya ki paidbah ya oo hadooh kani ka kynti, wei da ong u lada yoh biang u yei jop daw thooh chooh u ki laad ki luti wow e i chakri wa rap bha ya ki paidbah ka thaaiñ kamjooh ka Ri-loom Jaiñtia hi waroh kawi, natlor wow pynbha pynmiat yei rukom krehkaam ka Council.
Da ong u leh wa kam u MDC wa katni da em hapoh ka Council da chynna u yei eh i khoo ka Council hei yatoh wa ka yarong poisa kamjooh, kamtæ lada yoh biang u ka laad daw thooh u ki laad kammon wow kyntu ya ka yarong poisa ka Council.
Da kyrpaad biang u ya ki paidbah wow kyrchaan biang ki ya oo wei kam u bru wada jied u chim khia u wa kamwa da ekti ha oo.
Neiliang u Karbar Tyngkan uwa man uwi na kiwa kyrchaan wa pura ya u Bisonroy Iano da ong u wa ha ki san snem wa da lai da chynna ya ki kaam u MDC (Bisonroy) wa da leh bha u kamtæ kwah biang u wow e i kyrchaan biang u ya u Bisonroy ha kani ka kynti hanlada em uwa hayung wa yakhun na ka jooh ka Constituency.
Da kyntu u leh ya ki paidbah wow jied ya kiwa mihkhmat wa yajan wa ki paidbah khamtam yow suk ki kaam ki jaam, wei u Bisonroy man u uwa yajan bha wa ki paidbah.
Discussion about this post