Shillong: Ka sorkar jylla ynne ka sngi da booh wei da pynthymme pyrtuid ko ya ki thaw wa ki sarok wa em ha kylleiñ ka jylla katkam wa pyntip u montri ka kaam pohyung ka jylla, u James Sangma hadien ka yalang ki montri ka sorkar.
Da pyntip wa ya ka thaw yalehke Biki Bandi Stadium ha Tura da pynkylla cha ka PA Sangma Stadium, ya ka surok Mawlai-Mawroh, Mawsiatkhnam, Madsan Mawkhar da e pyrtuid kam ka Mother Teresa Road, ka sarok Howell Road cha ka Thrang Hok J Rangad Road, Zikzak Road ha Rilbong cha ka Ardhendu Road, ka ABP Road Laban cha Roland Lyngdoh Road, ka chnong Kynshi Raishan da pynkylla cha ka Kynshi, ka sarok Araimer cha AMPT Road da tip kam kam PA Sangma Road, wa kiwi kiwi.
Kawi won ka rai toh wow pynkylla ya ka Meghalaya Victims Compensation Scheme 2014 kawa man katkam ka Central Victims Compensation Scheme. Ka Para J (4a) da thap da ka kyntien khynnah kynthai, chynrang wa ka kynthai. Da pynpsiah ya i kyntien khynnah chynrang wa mynsoo nei chah leh khlemakor ha kani ka kyndon.
Kawi won wa da pynyinsur ya ka Administrative Rules and Regulation Revision Advisory Committee kawa da chna ha u Thohlakhmi 2016 ka wow kut ha ka 11 Thohlakhmi 2019 yeiwa da pynyinsur da san snem.
Discussion about this post