15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Ong u John Kharshiing wa ka ILP toh kawa em chwa nadooh wa soi ya ka Instrument of Accession waka ri India

0 Comments
Advertisement ad1
Advertisement ad1

Shillong: Ka Federation of Khasi States (FKS) ynne ka sngi da kyntu ko ya ka sorkar Meghalaya wow wanrah ya ka rai (Resolution) hapoh ka dorbar chna aiñ wow dawa naka sorkar pyrdi wow pynhun ya ki kyndon ka Instrument of Accession (IOA) kawa soi ha ka 17-10-1948 wow thap ya ka IOA hapoh ka Article 370 ka Constitution ka ri India kam ka laad wow yada yei hok ki Khasi States wa ya kiwa em ha ri-loom Jaiñtia wa Garo hapoh ka Meghalaya.

Uwa e ktien ka FKS, u John F Kharshiing da kdaw u wa ka Clause 5 ka Instrument of Accession and Annexed Agreement man ko kam kawi tawon ka jait Inner Line Permit (ILP), kawa man kawa emkaam bha ha kini ki por wa emkaam wow yada ya ki tre ri kawa ki Syiem Khasi da monjur ki wow em kam chibynta ka ri India deiwa soi ya kani ka soskular.

Ka Clause 5 ka Instrument of Accession and Annexed Agreement, da ong ko “Heiyatoh wa ki aiñ synchaar wa da pyrkhat yei emkaam yong waroh wa da monjur da ka dorbar chna aiñ ka Assam toh u em ki kyndon krehkaam kiwa ye u jied wei wow pynkylla katkam wa emkaam hapoh ri-loom Khasi.

U Kharshiiing da ong u wa ka Federation of Khasi States kyrchaan ko wow pynkrehkaam ya ka ILP neibhah ka leh man ko kam chibynta ka Instrument of Accession and Annexed Agreement.

Da ong u leh wa ka ILP man ko kam chibynta ka Instrument of Accession and Annexed Agreement kawa da mih leh ha ka Maharam Syiemship (Administration) Rules, 2009 kawa da em ka muhor u Lat ka jylla.

Ka Section 9 sub-section (2) kani ka Rules da ong ko wa ym ye u dai namo wow e wai cha ki bru wym toh na ri-loom (Non-tribal) khlem yoh yei monjur na u Syiem waka Dorbar.

Ki kyndon (Rules) ka Hima Maharam da ong ko leh wa hapoh ka Section 10 Sub-section (6), ki baar jylla ym ye ki u chong sah rta hapoh kawon kawon ka thaw wa em hapoh u pood u ang ka Maharam Syiemship lada ym yoh ki ya ki kot ki sla na u Syiem waka Dorbar.

U Kharshiing da ong u leh wa hapoh i pynlai ka Nongstoin Syiemship, Rules 2006 em ko ki kyndon ka ILP.

Ka Section 8 sub-clause (iii) of the Rules da ong ko , “U Dkhar (non-tribal) ym em hok ki wow chong sah namo wow rep u riang ha kiwon kiwon ki thaw wa haap hapoh wa pait u Syiem.”

Kamtæ ka FKS da kyntu ko ya ka sorkar jylla wow pdiang ya ka ILP Bill wa da monjur da ka Khasi Hill Autonomous District Council, ynnin u snem.

U Kharshiing da ong u, “Ka ILP Bill toh u pynman aiñ noh ka hapoh ki Khasi State wa ki Elaka ka ri-loom Jaiñtia katkam ka Clause 5 ka Instrument of Accession and Annexed Agreement, kawa da soi waka sorkar India ha ka 17-10-48 kam ka aiñ wow sariem waka ILP kawa da em chwa hapoh ka Hima Maharam Rule 2009 waka Hima Nongstoin Rule 2006.

Share this:
Previous

Pynthymme ka sorkar yei pyrtuid ki kattu katni ki sarok ka jylla

Next

Ka Politics toh kawa da e u blai ya i: Baitlang Pohshngap