Shillong: U Montri ka chnat khloo ka sorkar jylla, u Lahkmen Rymbui da pyntip u wa em kamaa 160 ngut kiwa paan bor na ka sorkar wow yoh u tih moo na ki khloo kiwa em ha ka jylla, wei kamwa 100 ngut kiwa da yohbor wow kreh ya ki paar moo.
Yeini u Lahkmen da ong u hawa jubab yeiwa kylli ka MLA na Mahendraganj, ka Dikkanchi D Shira ha ka dorbar ynne ka sngi.
U Montri da ong u wa ka sorkar dang sorjamin ko hadooh katwon tylli ki paar moo kiwa em ha ka jylla kiwa da yohbor wow pynkhooid ya ki khloo katkam ka aiñ Mines or Minerals Concession Rule, 2017.
Da ong u leh wa ki paar moo kiwa da yohbor na ka sorkar wei kiwa da pyndep ya ki kyndon wow leh ya ka Environmental Clearance man ko 10 tylli ha West Garo Hills, 21 tylli ha East Khasi Hills, 21 tylli ha Ribhoi, 3 tylli ha East Jaiñtia Hills wei ka wi ha East Garo Hills.
Discussion about this post