15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Emkaam wow yohbor na ka MCMC chwa wow pynmih ya ki kyntu paidbah wa yatoh wa ka Election MP

0 Comments

Shillong: Ka Media Certification and Monitoring Committee (MCMC) ynne ka sngi da chong yalang ko wa ki Cable Operator wa kiwa mihkhmat ki laad pathai khubor ha yung krehkaam Deputy Commissioner Office, East Khasi Hills District heiyatoh wa ka Election MP cha ka Lok Sabha.

Ha kani ka yalang da emynta leh ka Deputy Commissioner East Khasi Hills ka Matsiewdor War Nongbri.

Advertisement ad1

Ka BL Pakyntein, Additional Deputy Commissioner ka East Khasi Hills da ong ko wa waroh ki seiñ saiñ hima wa ki kyrtong chwa wow pynmih ya ki kyntu paidbah namo ki Publicity lada ki Flex, Poster, Manifesto wot hadooh ki tupri wa ki Badge toh u yohbor chwa na kani ka Committee.

Da ong ko wa da leh yeini khnang wa ki party ym lailait ki ya ka MCMC namo kiwi tawon ki kyndon ka aiñ wei ym man ki pyrchah ya kawon kawon ka Party, u kyrtong mo u bru.

Ha ka yalang da kyntu wa ymhoi u pynmih ya kiwon kiwon ki advertisement khlem yoh Certificate na kani ka Committee.

Da pyntip ko leh wa ya kani ka Certificate daw e da u/ka Chairman ka MCMC cha ki Party namo ki kyrtong kiwa paan ya ka.

Ka Pakyntein da pyntip ko leh wa da em ki bru wa da thung wow sylli ya ki kotkhubor, Social Media wa ki News Channel.

Chooh chooh da ong ko wa lada em kiwa leh pyrchah, ka Committee daw pynchitom ko ya ki katkam ki kyndon ka aiñ.

Previous
Next

0 Comments

Leave a Reply