Da toh por wow phah MP na ri-loom Garo da uwa ym toh naka jooh bait ka manyung: Mukul

Tura: U montri rangbah warim ka jylla u Dr. Mukul Sangma ynne ka sngi da yachem u wa ki dkhot ka Party Congress ha Tura Congress Bhavan deiwa pdiang sñiawbha leh ya ki le ngut ki MDC deilang wa kiwa kyrchaan ya ki cha ka Party.

U Dr. Sangma da ong u, “U Conrad Sangma dang emkaam u wow puræ bniah chwa wow sñiawthooh u chaphang u i thung dieñ Agar (Aquilaria Malaccensis) ha ki thaw ki bru samen kiwa daw wanrah ya chiboon ki myntoi haka khayi pateiñ; wei i da booh i ya ka kyndon ka aiñ wow chim kabu wow rep ya uni u dieñ uwa wanrah nong bha.” Da ong u Dr. Mukul Sangma hawa jubab yei ong u Conrad Sangma  wa pynbaad u wa ki Mission kiwa sdang u Mukul toh kiwa pynlut poisa ya ka jylla.

U Dr. Mukul Sangma da jubab chooh chooh u yeiwa pynbaad u Conrad deiwa ong wa lada u Conrad tip u kammon wow pynlai ya ka jylla ym chem u wa ki Mission kiwa da sdang oo (Mukul) kiwa yarap yei yoh i yot ki bru kam ka yukit wa khia ya ka jylla.

U Mukul won da ong u wa u Conrad toh uwa chah pynchaad ha kiwi wei da pynbood naam u ya ka sorkar kawa da yaleh u (Mukul) wow chna dur kam kawa bha.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

“U Conrad boonkaam u du wow klam katwa i kaam cha khloo. Waroh chi payui chynrang ki da jooh ong ki wa nga pynlut por O du wow booh mooyurim wei da ye u leh ya ini neidaw wa ka sorkar yong nga kreh chitoom ko wow sdang boon jait ki kaam neibynta ki paidbah. Tangwa katni kini ki ar ngut ki chi payui leh ki i jooh. Da e pyrtuid ki leh ya nga kam u Singing Chief Minister katwa u Conrad won oo leh da dep rwai u hapoh TV hakhmat ka ri waroh kawi,” da ong u Mukul.

U Mukul da kdaw u leh wa ka Agatha Sangma heipor wa man MP ko jooh chong dorbar ko du 49%, i kylli wa wanrah ko toh nod ki aiñ wa wanrah ko leh nod wei kammon u ye ko u mihkhmat neibynta ka jaitbru Garo.

U Dr. Mukul da ong u wa heipor wa man u kam u montri rangbah ka jylla da sdang u boon ki Scheme kam ka MHIS, u yarap poisa ki khonswet wow yoh poisa ki u bia, u yarap ya ki manbei kiwa samen wow psa khon ki wa kiwi kiwi.

Kamtæ da ong u wa lada jied ya oo kam u MP ka Tura u yaleh u katwa ye wow wanrah yei kylla wei i por man i katni wow leh ya ini neidaw na ri-loom Garo da phah MP du na kawi donhi ka yung kiwa ym ye u wanrah iyi iyi leh i kylla.

U Dr. Sangma da ong u leh wa ka BJP waka NPP toh ki jooh wei da pynleh ki wow yaleh pyrchah du ha ki Election iwa pynsakhiat wa hapoh ka sorkar NDA wa yahkhmat daka BJP man ko ka lok ka sorkar MDA hapoh ka jylla.