Shillong: U kyrtong ka Congress na Shillong, u Vincent H Pala da thep pyrtuid u ynne ka sngi ha u Returning Officer, ka Shillong Parliamentary Constituency. U Pala uwa da jop ar sien kam u MP, da synran lang ya oo da kiwa yahkhmat ka Congress wa kynthup ya u President ka MPCC u Dr. Celestine Lyngdoh, u MLA u HM Shangpliang wa kiwi.
Hawa yaklam wa ki laad pathai khubor, u Pala da ong u wa ha ki 10 snem wa man u kam u MP ym jooh kwah u wow pynbna paidbah hawa klam u ha Lok Sabha næ ya ki kaam wa da leh u kam u MP.
Da ong u wa kam u MP oo da yasait u neibynta ki luti ki syngkeiñ, i thung kreh ya ki khynroo khyllood da ki Company kiwa wan na Delhi cha Shillong lyngba ki shlem sikai waphær waphær wow e kaam ya ki khynroo khyllood yow pynbha ya ka puræ puthi heiwa boon ki khynnah manda pyndep ki ya ka matrik ki yachem ki wa i eh.
Hei jooh i por u Pala da ong u nalor u bru, ka party leh man ko kawa emkaam wow pait wow bichaar deiwa pynrap wa ki paidbah ym toh u pait ya oo kam u bru næ u kyrtong, emkaam wow pait leh ya ka Party waka yurim yong ka wa i krehkaam.
Da ong u wa ka Congress ka da e ko ya i laitlooid wow bam, u mane, u klam laitlooid ym toh wow khang baam doh masi, u mane blai wei ym khang ko ya i yarap ki seiñ niam lyngba ka FCRA.
Da pynbaad u wa ka BJP toh kawa muchlia ya ka CBI, RBI, Income Tax, ECI wa kiwi kiwi ki chnat wei da kyntu u ya ki paidbah wa toh u man ki kiwa stat wow jied ha kani ka kynti.
Hei yatoh wa i pynbaad kiwi ki kyrtong, da ong u wa pdiang u wa ym ye u leh katkam ka yooluti yong ki tangwa emkaam ki wow pait ya i chimbynta yong oo ha Parliament, kawa da palat ya i kheiñ yong lang (Average) heiwa da wanrah u ya kiwa boon ki phang tangwa ym jooh e khubor u neidaw ym kwah wow put turoi pyn da oo ya oo hi.
Discussion about this post