Jowai: U SP ka East Jaiñtia Hills u Vivekanand Singh, IPS da kyntu u ya ki paidbah wow man ki kiwa husiar hawa pynemkaam ya ki Social Media neidaw wa em boon ki bru wa thok ya ki paidbah khamtam ha ki kaam poisa iwa da ktah chiboon ya kiwa chah thok kamjooh kiwa ha yung ha sem yong ki.
Da ong u kini ki bru wa thok u thooh nyngkong ki ya ki bru kiwa mahajon wa kiwa ym pu em kurim lyngba ka Facebook, Instagram wa kiwi kiwi wei da pynyatoh lok ki wei da pynyajooh ki wa ki bru wa da jied ki kamwa 6 bnai yow yoh yei chaniah yong ki dep te paan yarap poisa deiwa e boon ki daw wa da wan cha ka ri yong ki tangwa chah ksoh ki ha Airport wei emkaam poisa ki yow lait ki wei em won ki por da ong ki wa ki tiar ki tar wa e sñiawbha ki da chah ksoh ki ha ki Custom wei emkaam wow su poisa yow lait u poi ki tiar ki tar.
Neidaw wa da em i chaniah, boon ki bru su ki ya ka poisa, hadien wa poi ka poisa kini ki bru wa thok wa chukor da wiar ki deiwa pyndam noh ya ki Social Media Account yong ki hadooh ki Mobile Number yong ki.
Kamtæ u SP da e buit u wa yow lait u jia ya ini emkaam wow bood ya kini ha wah:
- Ham e laad ware u chem ki bru ya phi manda thooh (Search) ya i pyrtuid yong phi Online.
- Ham chah wow ye ki bru u chem chaphang yong phi Online.
- Log Out chisein wa da dep pynemkaam.
- Ham pynyoo ware cha ki Social Media chaphang yong phi.
- Lada yoh Friend Request na ki bru wa ym tipmit ham pdiang ya ki.
- Ham Click ha kat kiwa em hi eh ki Link wa ym yoo tikna.
- Haka Privacy Setting ki Social Media Profile jied ya ki kyndon wym yoh ki bru wow tip ware chaphang yong phi.
- Em ki por du nei em pyrtuid phi cha kiwa booh (Post) ki bru kam ki dur, Status Update wa kiwi kiwi kiwa yoh kiwi ki bru u yoo daw e laad ko ya kiwa thmu wow thok u chukor wow tip chaphang yong phi.
- Lada wa em ki Fake Profile toh u pyntip cha ki pulit.
Lada emkaam yarap na ki pulit ye u lai cha ki Police Station wa em hajan dooh wa phi kamjooh wow psiah ha yung krehkaam u SP ka EJH.
Discussion about this post