Daw pynman ya ka e sikai yow yoh ya ka D License

Jowai: Ka Shillong Lajong Football Club da pyntip ko wa daw pynman ko ya ki Football Coaching Programs ha Meghalaya neibynta ka D License (with Grassroots course) ha uni u bnai.

U UEFA Pro License, Technical Director, u Jose Carlos Rodriguez Hevia, daw embynta lang u wow pynman ya ka Technical Enhancement Course wa 5 sngi ya kiwa wan yaleh ya ka D License program ha Shillong.

Hadien wa pyndep ya kani ka Course wa u Technical Director, daw hap pyndep ya ka Training wa sa 4 sngi wa u AIFF Certified Grassroots Instructor.

Ya ki wow yoh ya ka D License Certification Course daw pynman chwa u AIFF Certified Instructor yow jied ya ki wow chimbynta ha kiwa boon ki thaw ha Meghalaya.

Kiwa chah jied daw pynbiang ya ka thaw sah wa mynkna kamjooh i baam haka e training (first phase) ha Shillong.

Related posts

Khut ka MFA ya ki khynnah yow chah jied hapoh ka Academy wa dang sdang thymme ko

January 29, 2026

Khaddooh da yoh bor wow pynman ya ka Final ka Super Division ka WJDSA

January 29, 2026

Kamtæ ka Club neibynta wow pynku ya ka kaam yalehbol hapoh ka jylla da pynchlur ko khamtam kiwa chong chnong ka West Jaintia Hills yow chimbynta ki deiwa li chim ya ki Form na:

1. West Jaintia District Sports Association, Jowai
2. Meghalaya Football Association Office, Shillong
3. Shillong Lajong Football Club Office, Shillong

Wei ya ki Form wa da dep pyndap toh u li booh ha kini ki thaw hadooh ka 09-05-19 kam ka sngi wa khaddooh.

Ya ka yutip wa bniah ye u phone ha u number 8794237397.