U pynbiang ka sorkar ya ki tiar wa bha ya ka SDRF yow ye u yarap ya kiwa chem chitom

Shillong: U Kyrmen Shylla, u montri sorkar jylla uwa pait ya ka chnat Disaster Management da ong u wa emkaam jhan wow pynku kyrdan ya ki jait tiar wa pynemkaam da ka State Disaster Response Force (SDRF) hadien i jia ha chnong Diengiong kawa haap ha Mawdiangdiang Outpost heiwa le ngut ki bru da dooh ki mynsien hadien wa ya yap um wa haap ki chapoh ka thlu-um wa dang tih kawa yillu 60 phut.

Kam wow pynkynmoo wa ha i por wa dang pyrchang wow sai ya ki metyap yong ki le ngut da ki bru ka SDRF, uwi na ki da chem chitom u neidaw wa joor i sma napoh ka thlu um chwa wow sai ya kiwa da khlaad. “I ym pu em biang i ya ki tiar ki tar hawa jia kam kini ki jait jia wei ynnin i da yaklam i wa ki sahep kani ka chnat wow thooh laad wow pynyoh ya ki tiar katkam i emkaam ya ka SDRF”, da ong u Kyrmen.

Da ong u wa kam kini kiyi kiyi ym jia chooh hadien wa pynemkaam ya ki tiar wa thymme neibynta ka SDRF wei daw hap lai pynbniah chooh chooh ki. “Man ko kawa emkaam hadooh kattæ kattæ wow pynbiang tiar ya ka SDRF wei khamtam hawa jia wow sai ya ki metyap yong kine ki le ngut hadooh wa uwi na ki bru ka SDRF da jan yapler u na i sma hadooh wa hap wow tan noh ya oo”, da ong u montri.

Hawa kylli lada ka sorkar jylla daw su bai lutsan cha kiwa ha yung yong kini ki le ngut kiwa da khlaad, u montri da ong u, “Em ki kyndon na ka chnat Disaster Management wa hawa jia kam kini ki jait, i su bai lutsan da ka sorkar wa i dor man ko katkam ki kyndon ka chnat.”

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Da ong u wa ka chnat daw chong pyrkhat ko ya kani ka kaam wow pynbiang kham bha ya ki tiar neibynta ka SDRF wa kiwi kiwi ki kaam e sikai wa emkaam. “Ya ini u chimkhia leh da u montri rangbah khnang wa i e chakri u man ko kawa biang neibynta ki paidbah.”

Also Read: Yap le ngut kiwa tih thlu-um ha Mawdiangdiang