Shillong: I awri awra hapyrdi u Director wa u HOD ka chnat Cardiology ha ka thaw sumaar NEIGRIHMS da wanrah ko yei sñiawkhia nadooh ka sorkar jylla, ki seiñbhalang hadooh ki bru samen.
Ha kani ka kynti wot hadooh ka seiñ Lok Janshakti Party-Meghalaya State leh da phah ko ya ka wyrta wa sñiawkhia hajrong kani ka kaam.
Neiliang ka seiñ LJP da ong ko wa i awri hapyrdi kini ki ar ngut ymtoh u ktah i ya bru wa wan chah sumaarha kani ka thaw kiwa wan na ki thaw ym du napoh ka jylla tangwa wot na baaar jylla leh.
“Iwa emkaam dooh toh wa da dooh yei mynsien ha kani ka thaw sumaar kawa ye wow yada ya ini i mynsien lada kiwa pynlai wa kiwa sumaar em ki i bahkhlieh,” da ong u Jamil Ahmed uwa man kam u President ka seiñ hapoh jylla.
Da pynrap deiwa ong wa dang em boon ngut ki bru kiwa yang wow chah sumaar deiwa kyntu leh ya kiwa sumaar (Doctor) wow yarap ya ki.
Heijooh i por da ong u wa ka NEIGRIHMS lada kamni bait daw dooh ko yei chaniah na ki paidbah.
Neiliang u Jamil da ong u, “Phylla wa ka sorkar jylla chimkhia ko yeini du neidaw ka hukum ka High Court wei lym kamtæ da lait ini waroh”.
Discussion about this post