Shillong: Ka sorkar jylla da pynbna biang ko sa chisien ya ki kyndon wa yatoh wa ki muna skur ki khynnah kawa man leh kam chibynta wow bood ya ki kyndon wa e da ka Ministry of Human Resource Development, Government of India, heiyatoh wa i ktah i khia ki muna skur ya i chait i khiah ki khynnah, u Principal Secretary to the Government of Meghalaya, Education Department da phah u ya waroh ki skur wa haap hapoh ka Department of Education, Government of Meghalaya wow bood ki ya ki kyndon ka sorkar chisyndon.
Ki skur ym toh u e Homework ya ki khynnah lait noh kitu kiwa phah da ka MBOSE/ICSE/CBSE, wei ki skur ym toh u e Homework ya ki khynnah wa puræ Class I wa II.
I khia ki muna skur ya kiwa puræ Class I wa II ym toh u palat ya 1.5 Kg. Ya kiwa puræ Class III hadooh Class V i khia ki muna skur toh u man ko 2-3 Kg, ya kiwa em ha Class VI hadooh VII won i khia ki muna skur toh 4 Kg, ya kiwa puræ Class VIII hadooh IX ka muna skur toh u khia 4.5 Kg katwa ya kiwa puræ Class X i khia ka muna skur u man ko 5 Kg.
Ym toh u phah kit ya ki khynnah skur ya ki kot ki sla palat ya kiwa da mynjur da ka sorkar. Ki skur toh u pyntikna ko wa ki khynnah rah ki du ya ki kot ki sla wa em haka Routine.
Ya ka Routine toh u chna heitæ i rukom wa ki khynnah ym hap ki wow rah chiboon ki kot ki sla haka chi sngi.
Heiyatoh won wa ki kot ki sla wa em hapoh Library toh u pynchlur ya ki khynnah wow puræ ki kamjooh wow chimbynta ha ki yakehke Games and Sports.
Discussion about this post