Dawa kiwa chong chnong wow pyndam noh chipor ya u Syiem ka Hima Nongspung

Shillong: Kiwa chong chnong ka Hima Nongspung da dawa ki na ka KHADC wow pyndam chwa chipor ya u Syiem ka Hima, u Patrick Syiemiong khnang wa i takit u man i iwa lai bait heiyatoh wa i jia ha Balakhawa, wei lada chem wa bakla u toh u pyndam hi noh ya oo kam u Syiem.

Hawa yaklam ynne ka sngi, u Curtis Rani da ong u wa u Syiem ymtip u iyi yi hajrong ka NOC wa da e u cha u Contractor ka Assam wow chna sarok ha ka chnong Balakhawa. Tangwa da che won ko nei khut hajir yong ka KHADC ya u Michael Warjri uwa man u Secretary ka Hima.

Da ong u man i i klam khynnah i klam u Syiem, wei da che nei klam u Michael hakhmat u Dy. CEM ka KHADC wei iwa phylla toh wa ya ka T. 8 Lak wa yoh u Michael ym em wa tip ya ka.

Da ong u wa da jooh chah khut hajir u ha ka KHADC wei ym em khana u ya i sakhiat u tangwa iwa phylla toh wa da mih iwa sakhiat hadien ynru bnai.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Da kam u leh wa ki paidbah ka chnong da dawa ki na ka KHADC wow pyndam chipor ya u Syiem katwa dang pynman ya ka takit wei lada chem wa u Syiem wa hukum ya u Michael toh u leh yeiwa emkaam.

Neiliang u Nolan Lyngdoh uwa man u Executive Member ka Hima da ong u wa u Syiem hadooh katni ympu e u ya ka yukheiñ hajrong ka kaam poisa ka Hima hanlada da em i dawa wow pynche u hajrong kani ka kaam.

Da ong u leh wa ya i thaw wa ka Hima da rai ko wow e mynkna cha ki Balang tangwa u Syiem Patrick da soi u wa u Secretary wow chim T. 2.30 lak na ka Balang Presbyterian Synod Sepngi deiwa dai ya ki thaw ki bru samen wei wow kam wa man ko kawa e yarap donhi (Donation).

Da pynkut ki deiwa ong wa ini waroh da dai sarom i ya ka Hima hi waroh kawi.