Thok uwi wa chah rahbor u yow lait u su yaka ram

Jowai: Katkam wa pyntip ki pulit, haka 31 tarik u bnai wa da dep da yoh ujor ki wa em wa rahbor ya u Samirul Islam na Lower Bamonpara hajan Tekteng A’ding, WGH.

Tangwa haka 6 tarik uni u bnai heipor 9:30 i step ki pulit da yoo ki ya u Samirul Islam ha chnong Rongbretgre hajan 13^th Mile, WGH wei da kit ya oo cha Dalu Police Station yow takit ya oo.

Haka takit, u Samirul da phla u wa da thok u wa chah rahbor u yow lait u su yaka ram kiwa chong chnong ka South Garo Hills kawa da pynemkaam u wow thied kwai waki Cashew Nut.

Ki pulit da kem ki ya u Samirul Islam uwa da pynchong syier yaka chnong ka thaw hadooh wa da suba wa da em ki damok wa sdang ya kani ka kaam hapoh ka District.

Related posts

Chah kem ki le ngut kiwa rahbor ya ka kynthai na Byrnihat wei dai ka hei dor wa Rs. 3 lak ha Rajasthan

October 28, 2025

Hadien chi snem wa chah rahbor ka khynnah na West Garo chem ka na Delhi | Kha khon mar ya poi Tura

October 27, 2025

Ha kiwi tawon ki jia wa ya sariem, haka 30 tarik u bnai wa da dep u Daniel Daju (35 snem) da chah rahbor u na yung u wa em ha chnong Pormawlien wa haap hapoh ka Shallang Police Station, WKH da ki soo ngut ki bru wa ym tipmit kiwa rah lang wa ki tiar pynmynsoo tangwa haka chi tarik uni u bnai da pyllait ya oo heipor 4 waje i janmiet da kiwa rahbor ya oo.

Haka 29 tarik u bnai wa da dep kawi ka manbei da ujor ko waka khon yong ka ym em liwan yung ko hadien wa lai Computer Class ko ha 4th Furlong, Shillong wei hadien da tip wa da yut ko wa uwi u bru wa tip pyrtuid kam u Subham Das.