Jowai: Hajrong i pynbaad u President ka AJSU CEC wa ym em pyntip cha u President wa da mih ki dkhot ka seiñ naka, neiliang u General Secretary warim ka AJSU u PS Phawa da ong u wa ini i pynbaad toh du wow pynwiar burom heh ya oo.
Chooh chooh da ong u wa hachwa u psiah ki Unit wa ki Circle, neiliang ki Unit wa ki Circle dadep ieh kaam chwa ki ha u General Secretary warim ka AJSU nadooh uwa yahkhmat ka Nartiang Circle u Dawyo Siangshai, u Ex-General Secretary ka Nartiang Circle wa ki kattu katni ki dkhot, u Byntami Sajem Ex-President AJSU Shangpung Unit, wa ki Dkhot, neitæ u Derickson Phawa Ex-President AJSU deilang wa ki dkhot da phah ki yaka chiti ieh kaam ha u Ex-General Secy ka AJSU, chirup wa u Ex-General Secretary ka Lapangap Unit. Hajrong ini neiliang u Ex-General Secretary ka AJSU daphah u cha u President ka AJSU, lait noh u President ka Nartiang u Slimiki Phalangki ym em u e ka chithi mih seiñ ki cha u Ex-General Secretary.
Hajrong ini, neiliang u Ex-General Secy ka AJSU, da pynche u wa kani man ko wa kwah chim kabu heh ki kattu katni ki dkhot kiwa dang em ha ka AJSU, wei i thrang yong oo u psiah cha ka JSM toh dei mynsien wa sñiawkhia wa ym kwah u em boon tylli ki seiñ du i pyrtuid khlem ki dkhot kiwa du samen næ ar ngut, kwah u deiwa em boon ki dkhot khnang wow khih neibynta ka bha ka miat, neibhah u kreh neibynta ka jaitbru ymtoh u myntoi samen don hi.
Neiliang u Ex-General Secretary da kyntu chooh chooh u yaki dkhot wa dang em wow ya krehlang ki khnang wow lait næ chah klam haki paidbah wa boon du ki seiñ khlem ki kaam da ong u PS Phawa Ex-General Secretary ka AJSU.
Also Read: Kyntait ka AJSU wa psiah ki dkhot ko cha ka JSM
Discussion about this post