Shillong: Ki pulit ka East Khasi Hills District ynne ka sngi da lai chim ki yei metyap u Hapish Nongbri (53 snem), uwa chong wa sah ha Pdengshnong, Malki uwa da wiar nadooh i miet ka Sngi-chohthat yong ka tayaw wa dadep wei ya ini i metyap da chem na chnong Mawïong Sung chwa wow poi ha Puriang, East Khasi Hills.
Chwa wow lai chim ya ini i metyap, ki pulit ynne ka sngi heipor step da kem ki ya 3 ngut ki bru wa suba emkti wow tynyap ya uni u bru na ka chnong Lawsohtun, Block-II, wei uwi na kini kiwa da chah kem da yah u ya ki pulit cha i thaw wa da noh ya ini i metyap.
Katkam ka yutip wa da yoh da khana wa ki bru wa suba wow leh ya ini i kaam em ki soo ngut wei uwi dang yut u hadooh katni.
Kini kiwa da chah kem kynthup ki ya u Freddy Sohtun wa u Lastborn Ksanlah kiwa na ka chnong Lawsohtun wa uwi won toh u Tenzing uwa na ka jylla Arunachal.
Neiliang ki pulit da pynkit noh ki ya i metyap wow leh postmortem ha Civil Hospital, Shillong.
Kam wow pynkynmoo heini, u Hapish Nongbri da wiar u la kamwa chi tayaw wei ya ka Taxi u da chem na Lawmali da kiwa chong chnong ka Lawmali Pyllun ha ka miet Sngi Walang.
Discussion about this post