15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Lada kyrriah ya ki khar metor, toh u e biang yaka Them Iewmawlong cha ka Hima Mylliem: Titos

0 Comments
Advertisement ad1

Shillong: Ka Khasi Hills Autonomous District Council (KHADC) da chim ko ya ka rai wa ya ka Them Metor toh u pynuiñ biang cha ka Hima Mylliem hadein wa ka sorkar lyngba ka High Level Committee (HLC) lada ye ko wow chim rai kyrriah syndon ya ki bru wa chong wa sah ha katai ka thaw.

Ya ini da pynsñiaw da u Executive Member uwa pait leh yaka chnat Land ha KHADC, u Titosstar Well Chyne hadien ka yalang wa da khut wa ka Hima Mylliem wei da emlang leh u Acting Syiem, u Ainam Manik Syiem deilang wa ki montri wa kiwa khroo ka Hima.

“Katkam ka yasoi hapyrdi ka Shillong Municipal Board wa ka Hima Mylliem da em kawi ka kyndon wa kdaw wa lada ya kani ka thaw ym ye de wow pynemkaam katkam ka soskular ka Hima, em ko i hok wow chimkti noh biang ya kani ka thaw,” ong u Titos.

Da pyntip u leh wa kamwa man kattæ kani ka kaam dang em ko waka High Level Committee (HLC), tangwa neiliang ka Council leh ka embynta ko wow e yumut ya kani ka Committee hajrong ka Them Metor.

“Ini i thaw toh yong u Syiem Mylliem, wei ka Hima ka haap ko hei pait yong ka KHADC, kamtæ i leh em i ka yong i ka bynta wa i toh u pait ya kani ka thaw hadien wa ka HLC ye ko u chim yaka rai toh u wan biang ka thaw cha ka Hima Mylliem,” da ong u.

Da ong u leh wa kamwa man katni ym pu ye u batai lut hawa yatoh wa kani ka bynta neidaw wa daw em biang ka yalang hajrong ka Them Metor wow wan chimbynta da ki Montri ka Hima Mylliem wa kiwi kiwi wei kamjooh kiwa yahkhmat ka District Council.

Da pynsñiaw u leh wa ha ki snem kiwa da dep de em leh i e NoC neiliang ka Hima Mylliem wow chna ya ki yungmane wa yungskur ha katai ka thaw wei da em leh i pyndam yaka NoC wei ya kani ka bynta dang lai ko haka yung bichaar.

Da ong u wow pynuiñ biang ka chnat Municipal cha ka Hima toh u man ko deiwa pynbait lang hapyrdi ka District Council, ka Hima Mylliem wa ka sorkar.

Hawa kylli, lada em kawon kawon i e yumut naka Council cha ka HLC hawa yatoh waka phang Them Metor, da ong u wa lyngba ki record da chem wa u CEM warim ka KHADC man u u dkhot kani ka Committee, tangwa hadooh katni ym tip uyi wa lai mihkhmat na ka council ha ka HLC.

Share this:
Previous

Na Sung chem ki pulit yei metyap uwa wiar, chah kem 3 ngut

Next

Kut ka yalehke khlem wa jop hapyrdi ka Mynso Blossom waka Sookhlieh Thadbamon