Jowai: U CEM ka JHADC, u Thombor Shiwat hawa yaklam wa kiwa yahkhmat ki le seiñ kiwa kynthup ya ka Fight Against Corruption Team (FACT), Hynñiewtrep Youth Council (HYC-JHD) wa ka Hynniewtrep National Youth Front (HNYF-WJZ), ynnin ka sngi, da ong u wa chim khia u ya kani ka kaam, heiwa ka EC yong oo kawa katni da booh ko da ka Administrative Enquiry Committee (AEC), wa khlieh da u Judge ka Council u J. Khyriam, kawa dang lai cha khmat la chi tayaw yow takit bniah hajong i rukom thung kaam ya ki 56 ngut hapoh ka Council wei kani ka takit yong ka Committee wei daw lai ko sa kamwa le tayaw wei wow pyndep ya kani ka takit katkam i por wa da booh da ka EC hapoh 30 sngi.
Da ong u leh wa hadien wa da yoh ya ka bui (Report) daw bichaar ya kani ka kaam wow pyndam noh chwa ya kitai ki 56 ngut kiwa da thung sop sop da ka EC warim u Madonbai Rymbai wei wow khut thymme biang ya ka Advertisement næ pynbna paidbah kat kam ki kyndon aiñ yong ka Council.
Kiwa yahkhmat ki le seiñ kiwa kynthup ya u Executive Secretary ka FACT u Diamond Dhar, President HNYF u Howniwot Sutong wa General Secretary ka HYC u Roming Star Lamare, da ong ki wa katkam ka lai luti yong kitai ki le tylli ki seiñ haka mang poisa (Budget) yong ka Council 2018-2019, da chem wa em du 7 tylli ki kaam wa lait wa dang thymme kiwa man katkam ka Budget, kitæ toh ki 2 tylli haka CWD wa san tylli won hapoh ka Education Department. Ka Council Service Rule 1981, Rule 9, da kdaw che ko leh wa ka EC ye ko wow chna ya ki Post kiwa man Permanent næ Temporary kiwa hapoh ka Budget Estimate yong ka Council.
Ha ka dorkhat da kdaw leh wa katkam ka Rule 11 yong ka Council Service Rule 1981, wa i thung kaam u man bait ko da ka pynbna paidbah næ Advertisement wei kamjooh leh ka yaleh yaki Competitive Exam wa ka Personal Interview, neibynta wow thung kaam ya ki wakreh Grade-IV,
tangwa katkam wa chem yong ka seiñ katai ka EC warim da tyngkheiñ ko ya kani ka aiñ yong ka Council.
Discussion about this post