Pynchlur u Banteidor ya ki warep wow pynku dor ya u saro

Shillong: U montri wa pait yaka kaam rep u Banteidor Lyngdoh, ynne ka sngi da pynman u yaka yachem lang wa kiwa khayi kiwa naka yaw Mawiong heiwa da kyntu u ya kiwa khayi wow pynku dor ya u saro hadien wa da lait u na i toh dan (Tax).

Hawa yaklam wa kiwa thoh khubor hadien ka yalang ynne ka sngi, u Banteidor da ong u wa lada pynku dor ya u saro daw ye u wanrah yaka nong wa ki warep emkaam ki kiwa jooh chah ksih dor nachwa deiwa kheiñ lang wa ka bai kit wa da pynlut chwa ki warep.

Nadooh wa pynbna ya u saro kam u mar rep wa mih cha khloo namo u Agro-forestry Product, uwa da lait leh naka dan na ki thaw khrong dan (Toll Gate) ki Hima wei lada dang em wa khrong dan ya u saroo toh u pyntip cha ka sorkar da ong u montri.

Neiliang uwi uwa khayi naka yaw Mawiong (Regulated Market), u S.P. Chaudhury da khana u cha kiwa thoh khubor wa i dor u saro da ku dor u leh ynnin u snem uwa jooh dooh dai T.35 hadooh T. 40 wei ha uni u snem i dor da poi ko T. 60 chaneiñ ya kiwa da rep nyngkong kiwa man leh kiwa bha wei ymphær lada ku dor lada bha i mar.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

“Da pyntip i cha u montri wa i dor chong haka yaw wei lada boon ka dawa tangwa kam ynnin u snem da boon ware u saroo da hiar i dor wei ha uni u snem da duna u saro kamtæ i dor leh da ku i,” da ong u.

Da pyntip u leh wa ka Khasi Hills Autonomous District Council (KHADC) jooh e ko yaka Transit Pass heiwa kiwa khayi da su ki T. 4000 kawi ka truck.

Hadien wa pynmih ka sorkar yaka hukum wa thymme da lait na kani ka Transit Pass.

Ki warep saro kiwa na ri-loom Khasi wa Jaiñtia ki lai dai ki ya u saro ha Mawiong heiwa kiwi khayi pateiñ da kit ki cha kiwi ki jylla.