15 49.0138 8.38624 1 0 4000 1 https://wyrta.com 300 0
Advertisement ad1

Wai paidbah u Ri-io Sten yaka yung dorbar ka Dong Pynthor Barato

0 Comments

Jowai: ki paidbah chong chnong yong ka Dong Pynthor kawa haap haka chnong Barato wa Mukroh-Barato Constituency, ynne ka sngi, kiwa yahkhmat kamjooh ki paidbah wa chnong da yoh ki yeiwa angnood yong ki na i kreh u Ri-io Sten, u MDC warim deiwa wai yaka yung dorbar (Community Hall) ya kawa da mang T. 5 Lak lyngba ka SAG Scheme 2017-18.

Da wai paidbah ya katai ka yung dorbar ha ka yalang kawa da emlang ki waheh wa sian, ki tymmen, ki manbei manpa, ki khon khynroo khyllood yong ka dong wa kiwi de kiwa chah khut sñiawbha kawa man ka sngi wow sahkynmoo ya ka dong waroh kawi.

Advertisement ad1

Ha kani ka sngi da yoh yei klam na u Chilang Tyngkan uwa man leh u waheh dong wa u R.H. Shadap. Wei waroh leh kiwa klam ha kani ka sngi da pynsñiaw ki yei sñiawngooh kawa khroo hadooh kattæ kattæ ya u MDC warim.

U kongsan ha kani ka sngi u R. Sten, da ong wa kam uwa mihkhmat ha i bor iwa khian heipor wa man u kam u MDC da pyrchang u wow e yaka chakri kawa janai tam wa kawa khooid kawa suba wow saam ya waroh ki Schemes khlem da leh chiliang khmat ya kiwon kiwon hapoh ka Constituency hi waroh kawi.

Da pynsñiaw u leh wa da e sñiawbha u kam u MDC wei ki paidbah wa chong chnong da yoo ki ya ini wa de u ya ki Scheme da ka mynsien kawa khooid kamtæ ki leh da noh kyllooid ki neibynta i bha i miat ka chnong hanlada ym em yoh u yei jop ha kani ka kynti.

Chooh chooh da e khublei kyrpang u leh ya u waheh dong yong ka Pynthor, ya waroh ki dkhot wa kiwa kitkaam yong ka dong wei leh ya ki paidbah chong chnong ha kani ka Dong kyllum salonsor deiwa kyntu leh ya ki paidbah wa kani ka mynsien yong ka ya krehlang neibynta i emkaam yong ka imlang ka sahlang wa ka chnong ka thaw hi waroh kawi ym toh u kut noh ko ha kani ka kynti kawa katni tangwa u man ko kam ka thlu um kawa ym sngad de du chiteiñ por, wei u man ko kamwa thrang wa angnood sakhiat ya i kylla ha ki liang waroh.

Ini toh katkam ka kyrwoh na u Chilang Tyngkan uwa man u waheh dong ka Pynthor.

Advertisement ad1

0 Comments

Leave a Reply