Jowai: Ka Society for Environment Protection and Sustainable Development da pynsñiaw ko ya i sñiawngooh yaka Meghalaya High Court hadien wa pdiang ko yaka PIL kawa yaleh da u President ka Society u Wanbun Dkhar hajrong wym pynkrehkaam ka sorkar jylla yaka Meghalaya Environment Restoration and Protection Fund kawa T. 433 klur kawa da lum lyngba ki challan mooyong daka chnat Directorate of Minerals Resources wow pynbha yaka mariang ha ki thaw wa chah ktah na i tih mooyong.
Ka Meghalaya High Court hadien wa ka chong bichaar bniah yaka tai ka PIL da chim ko yaka rai wow hukum ya ka sorkar jylla wow pynkrehkaam noh yaka tai ka Fund kawa da mang kyrpang neibynta wow pynbha rymaw khamtam wow pyndap noh yaki thlu wa da dep tih wow sai mooyong hapoh ka jylla.
Neiliang yong u President ka Society da ong u wa da yooluti wei kyrmen wa ka sorkar jylla daw kohngooh wei burom ya katai ka hukum ka High Court wa emburom khlem da pynsepai deiwa baam tooh ya katai ka Fund wei lada jia wa ka sorkar ym leh ko katkam wa da hukum, ka Society daw ujor ko da ka “Contempt of Court” pyrchah yaka sorkar jylla.
Also Read: Ujor PIL u President ka SEPSD wa ym pynemkaam ya ka poisa wow yada ya ka rymaw
Discussion about this post