E yumut ka 4-Mowkaiaw UDP Circle wow chimkti ya ka chuki Speaker da u Metbah Lyngdoh

Jowai: Katkam ka khubor na kiwa kitkaam yong ka 4-Mowkaiaw UDP Circle da pysñiaw nyngkong ki ya i dooh nong chiboon nei khlaad u (L) Dr. Donkupar Roy iwa da sñiaw kamwa da man khonswet ka Party kawa dooh leh ya u President Rangbah uwa da jop Election ynñiaw sien lynter.

Ka Circle da e yumut ko deiwa burom ya kiwa yahkhmat wa ha khlieh dooh yong ka Party wow pyrkhat kawa nyngkong dooh kammon wow pynkhlan yaka Party. Wei sñiaw yahap wow chimkti ya ka chuki Speaker da u Metbah Lyngdoh uwa da man chwa kam u Working President ka UDP wa uwa da heh napyrdi ki MLA waroh hapoh ka Party uwa da jop waroh la le sien wei uwa da chah jied leh katni wow yahkhmat ya ka Party UDP ha kani ka sorkar wa katni.

Da ong leh wa emkaam wow burom nyngkong ya ka burom yong u (L) Dr. Donkupar Roy uwa man uwa yahkhmat wa biang wa skem yumut, wa skem ka yurim wow pyrkhat jngai kammon wow yahkhmat ya ka Party UDP wei uwa ym jooh kwah wow booh hakhmat ya i myntoi samen.

Da kynmoo leh ya i por wa pdiang u Dr. Roy wow krehlang wa ka Party NPP, da ong u wa ym kwah u wow ksoh yaka chuki Deputy CM ne chuki montri wei kwah u wow e laad ya ki MLA ka Party wei oo u ksoh u yaka chuki Speaker.

Related posts

Ki paidbah pynbor ki ya kiwa mihkhmat wow wan cha ki yalang tangwa chah khñium won lada pynemkaam Siren: Paul

November 18, 2024

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Kamtæ kiwa kitkaam ka 4-Mowkaiaw da kyrpaad ki ya kiwa yahkhmat wa ha khliehdooh wow bood ya ka luti u (L) Dr. Donkupar Roy khnang wa ka Party ym em ko kawon kawon ka yaphær yumut hadien wa bood neibhah u Metbah em hok u wow chimkti yaka chuki Speaker neidaw wa da man u uwa yahkhmat ka Party uwa da heh.

Ini toh katkam ka khubor na u Eleazer C Dkhar, President 4-Mowkaiaw UDP Constituency.