15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Angnood u Conrad wow pynemkaam bha yaka e-Governance yow pynyajan yaka sorkar wa ki paidbah

0 Comments
Advertisement ad1

Shillong: U Union Minister of State (Independent Charge) wa pait yaka Ministry of Development of North Eastern Region, Minister of State for Prime Minister’s Office, Ministry of Personnel, Public Grievances & Pensions, Departments of Atomic Energy and Space, u Dr. Jitendra Singh wa u montri rangbah ka jylla Meghalaya u Conrad K. Sangma da wa ki yaka 22nd National Conference hajrong ka e-Governance 2019 (NCeG) kawa ar sngi, kawa man ka sien wa nyngkong wa pynman yaka haka thaaiñ mihsngi ha Shillong ynne ka sngi. Ha kani ka Conference da emlang ki heh sorkar na kylleiñ ka ri India, ki Researcher wa ki bru wa pawnaam ka IT Industry.

U Dr. Jitendra Singh hei klam yong oo da yaroh u yaka sorkar jylla wa da ye ko u pynman ya kani ka National Conference hajrong ka e-Governance kawa phooh wa pheiñ kawa da wan chimbynta da 28 tylli ki jylla ka ri wa waroh ki Union Territories ha kani ka Conference, iwa pynyoo yei angnood ki jylla ya ka e-Governance, da ong u. Da tyrwa u leh wa ha kani ka Conference wow pynmih ya ka ‘Shillong Declaration on e-Governance’ yow yoh u lai chakhmat yow pynbha ya ka mynried.

U Dr. Singh da ong u leh wa hadien wa kani ka sorkar da wan ko heibor ha u snem 2014, u Prime Minister ka India, u Narendra Modi, ha ki klam yong oo nachwa yow lai palat yaka “Vigyan Bhawan”.  “I hapoh ka DARPG da bood ya ini i thong yong u PM deiwa pynman ya kani ka Conference ha kylleiñ ka ri. U PM da ong u wa ka e-Governance ma ko ka wow pynsuk, kawa krehkaam, kawa pynduna yei lut poisa, kawa man leh kawa ym ktah yaka rymaw. Ini daw pynsuk yei krehkaam ka sorkar deiwa yow ye u chakri ya ki paidbah palat yeiwa jooh ye,” da ong u. Ka sorkar India da leh ko ya ini deiwa pyrkhat khamtam ya kitu ki chnong wa em cha kdong cha chmiang ka ri, da pynrap u Dr. Singh.

Da ong u leh wa hapoh i pait yong oo da wanrah ya kiwa boon ki thymme wei da pyndam ya kiwa boon ki warim kiwa da bood nadooh ki por phareng kam i wow Certify yaki kot ki sla da ki sahep sorkar kawa da man wa yah da ki phareng (British Empire). Deiwa leh ya ini, ka sorkar da pynyoo ko yei chaniah ya ki khynroo khyllood ka ri India. Hadooh 1500 tylli ki kyndon ki warim wajah kiwa ym yathoh de wa ka juk wa katni da pyndooh ya ki kawa pynman yaka sorkar wow yajan ko wa ki tre ri. Da khana u leh hapoh i yahkhmat u Prime Minister da sdang ya IRCTC Rail Connect App, ka UMANG App daka Ministry of Electronics and Information Technology (MeitY).

Neiliang u Conrad K Sangma won da ong u wa i stat sayan wa katni namo ka Technology man ko kawa yajan bha wa i angnood yong oo wow yoh kiwa chong chnong wow embynta lang waka sorkar. Da ong u, “Ym toh kawon kawa bha dooh ka Technology kawa emkaam, toh ka Technology kawa ye u pynemkaam kiwa boon yow wanrah yeiwa bha kawa emkaam”.

U Hamletson Dohling, Minister for IT and Communications, Government of Meghalaya da ong u wa ka Information and Communication Technology toh kawa khlanbor bha wow pynyajan ya ki paidbah waka sorkar, wei ka NCeG man ko ka rynsan wow sñiawtooh hadooh katwon wow pynduna wa yoh kiwa boon wow pynemkaam yaka Technology wei katwon ngut kiwa ym yoh hapoh ka ri. Da kdaw u leh ya ki laad ki luti waka sorkar jylla da sdang ko kam ka e-Districts; kawa yarap ya kiwa lai puræ wa ki Company kiwa sdang hapoh ka jylla yow pynku yei sñiawthooh ki paidbah yaka Technology. Da kyntu u leh ya u Union Minister wow pteiñ i yarap naka sorkar pyrdi wow pynman yaka Meghalaya kam ka IT Hub hapoh ka thaaiñ mishsngi.

Advertisement ad1

0 Comments

Leave a Reply