Shillong: U Deputy Speaker ka jylla, u Timothy D Shira da pyntip u wa ka dorbar yong ka yung dorbar ka jylla wa wow sdang nadooh ka 6 tarik u Naikhynde wow wan u man ko ynru sngi, wei ha kini ki sngi, le sngi da booh neibynta ka Private Business wa ar sngi neibynta ka Government Business.
U Timothy da ong u wa ka Business Advisory Committee (BAC) da chim ko ya kani ka rai wow e por rap boon neibynta ka Private Business.
Ka yalang yong ka BAC hapoh i pynlai yong u Dy. Speaker da emlang ka liang pyrchah, u Dr. Mukul Sangma, u Deputy Chief Minister uwa pait ya ka chnat Parliamentary Affair, u Prestone, u Charles Pyngrope kam u dkhot wa ki sahep sorkar kiwa da chim ya ka rai wa ka ya chong dorbar daw sdang ko ha ka 6 tarik u Naikhynde wei u kut ko haka 13 tarik u jooh u bnai.
U Deputy Speaker da ong u wa hadooh katni ym pu ye u pyntikna wa i jied ya u Lamphang wa thymme u man ko ha kani ka sien chong dorbar neibhah ym pu em yaklam ya kani ka kaam, tangwa lada em i jied ya u Lamphang ye ko u man haka 10 næ ka 13 tarik.
Discussion about this post